Transcription
1
Monsieur, jay treuvé le trompette de retour en ce lieu, qui ma apporté
2
une lettre de monsieur de St Romain faicte, comme ma dict ledit
3
trompette, avec ladvis de ceulx du consistoyre de Nismes ; et semble bien
4
par icelle quilz ne veulle eslognier de venir à la paix. Et me
5
mande ledit sieur de St Romain quil desire avoir ung saufconduict
6
de monsegneur le marechal Dampville et ung aultre de vous pour
7
ung confident, duquel il ne me mande le nom, pour envoyer
8
devers les sieurs de Montbrun et Miribel conferer du lieu et du temps
9
quon porra negotier. Encores monsieur que je vous supplie de
10
menvoyer ledit saufconduict et commander quon laisse le nom
11
en blanc, je vous diray que ledit trompette me rapporte
12
treuvé ledit sieur de Miribel en intention de se randre
13
traictable, mais ledit Montbrun très rude et ne volant entendre à ladite
14
paix, toutesfoys quil se rapportent sur la deliberation de monsieur
15
de St Romain. Je me treuve si extremement enuyée et mal
16
du grand rhume et toux que jay avec ung peu de fiebvre, que je
17
seray contrainct segiourner troys ou quatre jours en Avignon
18
pour y metre quelque remède sil se peult treuver. Et de ce
19
qui se passera cy apprès, je ne fauldray vous en advertir, presentant
20mes [barré : hum ] très humbles recommandations à votre bonne grace, je prie Dieu vous
21
donner,
22
monsieur, en perfaicte santé, longue et très heureuse vie. Du Pont St Esprit,
23
ce XIIIIe febvrier 1574.
24
[autographe] Monsieur, le quapitaine Sain Marc, lequel quognesés être à moy ily at XXV ans
25
[dans Sienne], à la requête de seux de la ville sy tan e[s]t quyl vous soyt agreable
26
et pour lamour de moy je desirerés que me gratyfisiés de luy donner
27
pouvoyr por avoyr leul [ie : l’œil] à la garde de Vyenne. Je vous repons de luy de ma vie
28
et de mon honneur ; je vous an suplie usan dautre revanche an quelque
29
terme peut etre que vous moblijerés et syl vos plet le manvoyer
30
[marge gauche, en travers :] votre humble et très affectionné à vous fère
31
service de Maugeron